रघुवीरलाई मन्त्रीबाट हटाएपछि मतदाताले दीपावली गरेर खुशियाली मनाए

जनकपुर, ५ मंसिर रघुविर महासेठलाई भौतिक पूर्वाधार तथा यातायात मन्त्रीबाट हटाएपछि उनकै क्षेत्रमा मतदाताले खुसीयाली मनाएका छन् । रुष्ट भएका मतदाताले महासेठलाई मन्त्रीवाट हटाएकोमा खुसीयाली मनाएका छन् । विहिवार महासेठको निर्वाचन क्षेत्रका मतदाताले दिपावली गरेर खुसीयाली मनाएका छन् । दिपावलीमा सहभागी भएका मतदाताले आफुहरुको अपेक्षा अनुसार महासेठले काम नगरेका कारण मन्त्रीवाट हटाउँदा खुसी लागेको बताएका छन् ।

तत्कालिन एमालेवाट चुनाव जितेका महासेठका मतदाताले धनुषाको लक्ष्मीनिया गाउँपालिका ४ मा मैनवत्ती वालेर दिपावली गरेका हुन् । आफ्नो क्षेत्रको विकासमा भूमिका खेल्ने आशाले महासेठलाई मत दिएर जिताएको भएपनि केही आसपासका ब्यक्तिलाई मात्र सहयोग गरेको भन्दै मतदाता रुष्ट भएका छन् । महासेठका नजिकका ब्यक्तिले गाउँमा दादागिरी गरेर आफुहरुलाई समस्यामा पारेको उनीहरुको भनाई छ । निर्वाचनमा खुलेर सहयोग गरेका स्थानीय मिथिलेस यादव पनि दिपावलीमा सहभागी भएका थिए ।

दिपावलीमा जनप्रतिनिधि समेत सहभागी भएको बताइएको छ । लक्ष्मीनियाँका वडाध्यक्ष ४ का वडाध्यक्ष राकेश साह पनि दिपावलीमा सहभागी भएको स्थानियले बताएका छन् । तर उनले सो कुरा इन्कार गरेका छन् । आफु दिपावलीमा सहभागी नभएको उनको भनाई छ । खुसीयाली मनाएर मैनबत्ती बालेको बारेमा आफुले जानकारी पाएको भएपनि आफु त्यसमा सहभागी नभएको उनको प्रतिकृया छ । क्षेत्र नम्बर ४ बाट महासेठ तत्कालीन नेकपा एमालेबाट निर्वाचित भएका हुन्।

यो पनि : ३३ महिनामा चार किलोमिटर सडक कालोपत्र

कञ्चनपुरको दक्षिण क्षेत्र जोड्ने निमार्णाधीन हुलाकी सडकको काम गति सुस्त छ । तीस महिनाभित्र निर्माण सक्ने गरी उक्त ६२ किलोमिटर हुलाकी सडक निर्माण व्यवसायीलाई जिम्मा दिइएपनि हालसम्म डोकेबजार–बेलौरी खण्डमा चार किलोमिटर सडक मात्रै कालोपत्र गरिएको छ ।

“सडक निर्माणको ३३ महिना पूरा भयो”, हुलाकी राजमार्ग योजना कार्यालय कैलालीका इञ्जिनीयर पदमबहादुर मडैले रासससित भन्नुभयो, “अहिले तीनवटै प्याकेजमा करीब ६० प्रतिशत काम सकिएको छ ।” तीन वटा प्याकेजमा ठेक्का गरिएको सडकको पहिलो र दोस्रो खण्डको समयावधि गत भदौमा सकिएपछि आठ महिना म्याद थपिएको उहाँले बताउनुभयो ।

डोकेबजारदेखि बलौरीसम्मको २० किलोमिटर र बेल्डाँडीदेखि दैजीसम्मको २२ किलोमिटर हुलाकी सडक निर्माणको जिम्मा शर्मा–राजेन्द्र जेभीले पाएको थियो । “यी दुई प्याकेजमा ६० प्रतिशत काम सकिएको छ”, इञ्जिनीयर मडैले भन्नुभयो, “अन्तिम प्याकेज (बेल्डाँडीदेखि दैजीसम्म) को भाग शुक्लाफाँटा राष्ट्रिय निकुञ्ज पर्ने भएकाले रुख कटान प्रक्रिया नै एक वर्षपछि थालिएको थियो ।”

त्यसैगरी बीचमा पर्ने बेलौरीदेखि बेल्डाँडीसम्मको २० किलोमिटर निर्माणको जिम्मा बाबा–हंश सिद्धीसाई जेभीले पाएको भएपनि निर्माण भने अहिलेसम्म ५५ प्रतिशत मात्रै हुन सकेको छ ।“पहिलो प्याकेजमा चार किलोमिटर सडक बनेर छेउछाउमा नालीलगायतका अन्य संरचना बन्दैछन्”, मडैले भन्नुभयो, “काम द्रुत गतिमा भएकाले पहिलो र अन्तिम प्याकेज आगामी चैतमा सम्पन्न हुनेमा आशावादी छौँ ।”

रु एक अर्ब नौ करोडभन्दा बढी लागतको उक्त आयोजना समयमा सम्पन्न नहुँदा दक्षिण क्षेत्रका नागरिकले भने सास्ती खेप्नुपरेको छ । “वर्षात्मा हिलो र हिउँदमा सडकको धुलोले आजित भयौँ”, पुनर्वासका स्थानीय रामसाहेद रानाले भन्नुभयो, “जनप्रतिनिधिले पनि सडक निर्माण समयमा सक्न आग्रह गर्दा पनि काम सम्पन्न हुन सकेको छैन ।”

Leave a Reply

Your email address will not be published. Required fields are marked *