पर्पल ‘बिकिनी’मा अदिति, फ्यानले लेखे – तिमी साँच्चिकै अप्सरा हौ

अनमोल केसीसँग फिल्म ‘कृ’ मा अभिनय गरेकी अभिनेत्री अदिति बुढाथोकी यतिबेला बैंककमा छिन् । उनी घुमघामका लागि त्यहाँ पुगेकी हुन् ।

मुम्बईमा रहँदै आएकी यी अभिनेत्रीले ‘कृ’ पछि अन्य फिल्ममा अवसर पाएकी छैनिन् । तर, उनले आफ्नो ग्ल्यामर अवतारका कारण दर्शकको ध्यान भने खिचिरहन्छिन् ।

पछिल्लो समय अभिनेत्री अदितिलाई भारतीय र्‍यापर अलिप मोरानीसँग प्रेममा रहेको पनि चर्चा चल्ने गर्छन् । अदितिले मोरानीसँगको तस्वीर सामाजिक सञ्जाल इन्स्टाग्राममा अपलोड गरेकी थिइन् ।

फाटफुट हिन्दी म्युजिक भिडियोमा समेत काम गरेकी अदितिले आफ्नो इन्स्टामा एक तस्वीर अपलोड गरेकी छिन् । तस्वीरमा उनलाई बैजनी रंगको बिकिनी अवतारमा देख्न सकिन्छ । यो तस्वीर अद्वित वैद्यले खिचेका हुन् ।

उक्त तस्वीर सामाजिक सञ्जाल प्रयोगकर्ताले मन परेको प्रतिक्रिया दिएका छन् । एक प्रयोगकर्ताले हिन्दीमा लेखेका छन्, ‘हट छौ तिमी ।’

नेपाल र भारतमा समेत फ्यान कमाएकी अदिति बलिउड छिर्ने कसरतमा छिन् । तर, उनी सफल भएकी छैनिन् ।

एक प्रयोगकर्ताले लेखेका छन्, ‘तपाईंको सुन्दरताका लागि कुनै शब्द नै छैनन्, तपाईं साँच्चिकै अप्सरा हो ।’

त्यसो त अदिति सामाजिक सञ्जालमा निकै सक्रिय रहने गर्छिन् । उनको सुन्दरताको फ्यानले खुबै तारिफ गर्ने गर्छन् ।

Leave a Reply

Your email address will not be published. Required fields are marked *