उडिरहेको विमानमा बच्चा जन्मिएपछि कलकत्तामा आकस्मिक अवतरण

भारत- मंगलबार दोहाबाट बैंककका लागि उडिरहेको विमानमा एक थाई महिलाले बच्चा जन्माएकी छिन् ।विमान उडिरहेकै समयमा ती महिलालाई सुत्केरी व्यथा लागेपछि विमानका कर्मचारीको सहयोगमा प्रसूती गराइएको जनाइएको छ ।

विमान कम्पनीले महिलाको नाम सार्वजनिक गरेको भने छैन । विमानमा नै बच्चा जन्मिएपछि चालकले विमानलाई कलकत्तामा नै आकस्मिक अवतरण गराएका थिए ।विमान अवतरणपछि महिला र बच्चा दुबैलाई कलकत्तास्थित एक निजी अस्पतालमा भर्ना गरिएको छ । आमा र बच्चा दुबैको स्वास्थ्य सामान्य रहेको अस्पताल स्रोतले जानकारी दिएको छ ।

कलकत्ता विमानस्थलका अधिकारीका अनुसार दोहाबाट बैंककका लागि उडेको कतार एअरवेज, क्यूआर–८३०, को विमानले जीवन रक्षाका लागि हवाई ट्राफिक नियन्त्रकसँग अनुरोधपछि मङ्गलबार बिहान ३ः०९ बजे भारतको कलकत्ता विमानस्थलमा चिकित्सा प्राथमिकता आवश्यकताका कारण आकस्मिक अवतरण गराइएको थियो ।

चीनबाट नेपाली स्वदेश ल्याइने विषयमा सिंहदरबारमा छलफल

काठमाडौं– कोरोना भाइरसको संक्रमण फैलिएको चीनबाट नेपालीलाई स्वदेश फर्काउने विषयमा टुंगो लगाउन सिंहदरबारमा छलफल शुरु भएको छ ।चीनबाट स्वदेश ल्याइने नेपालीलाई राख्ने सुरक्षित स्थानको टुंगो लगाउन सिंहदरबारमा छलफल थालिएको हो ।सरकारले चीनमा

रहेका नेपालीहरुलाई स्वदेश फर्काउने विषयमा सबै तयारी गरे‍ पनि उनीहरुलाई राख्ने ठाउँको टुंगो नलाग्दा ल्याउन सकिएको छैन ।स्वास्थ्य मन्त्रालयका प्रवक्ता महेन्द्रप्रसाद श्रेष्ठका अनुसार चीनबाट ल्याइने नेपालीलाई कहाँ राख्ने भन्ने विषयमा टु‌गो लगाउन सिंहदरबारस्थित मुख्य सचिवको कार्यालयमा बैठक शुरु भएको हो ।

मुख्यसिचव लोकदर्शन रेग्मीको अध्यक्षतामा आज ( मंगलबार) साँझ ६ बजेदेखि बसेको बैठकले चीनबाट नेपाल ल्याइने नेपालीहरुलाई कहाँ राख्ने भन्ने विषयमा टुंगो लगाउने छ ।छलफलमा चीनमा रहेका नेपालीलाई यहाँ ल्याएर सुरक्षित तरिकाले कसरी र कहाँ राख्ने भन्ने टुंगो लाग्ने

स्वास्थ्य मन्त्रालयका प्रवक्ता श्रेष्ठको भनाइ छ।चीनबाट ल्याउनेलाई कहाँ राख्ने भनेर सबै अध्ययन भइसकेको छ, अहिले ६ बजे मुख्य सचिवको अध्यक्षतामा उच्चस्तरीय बैठक बसिरहेको छ,’ स्वास्थ्य मन्त्रालयका प्रवक्ता श्रेष्ठले भने, ‘बैठकले कहाँ राख्ने र कहिले ल्याउने भनेर टुंगो लगाउछ ।’चीनबाट स्वदेश फर्कन चीनस्थित नेपाली दूतावासमा एक सय ८० जनाले निवेदन दिएका छन् ।

स्वास्थ्य मन्त्रालयका प्रवक्ता श्रेष्ठका अनुसार चीनबाट स्वदेश फर्किने नेपालीको संख्या दुई सयसम्म हुनसक्ने छ । कोरोना भाइरसको संक्रमण नदेखिएका नागरिकलाई मात्र स्वदेश ल्याइनेछ ।मन्त्रालयका अनुसार उनीहरुलाई स्वदेश ल्याइदा ट्रान्जिटको क्रममा ८ देखि १० जनामा

कोरोना भाइरसको संक्रमण देखिन सक्ने हुँदा सोही अनुरुपको तयारी गरिएको छ ।चीनबाट स्वदेश फर्किने नेपालीमा कोरोना भाइरस देखिन सक्ने र उनीहरुबाट नेपालमा कोरोना भाइरस फैलन सक्ने खतरा रहेको भन्दै सरकारले शुक्रराज ट्रपिकल तथा सरुवा रोग अस्पताल, पाटन अस्पताल र वीर अस्पतालमा ४३ वटा आइसोलेसन वार्ड तयारी अवस्थामा राखेको स्वास्थ्य मन्त्रालयका प्रवक्ता श्रेष्ठको दावी छ ।

सरकारले चीनबाट ल्याइने नेपालीलाई त्रिभुवन विमानस्थलमा विशेष परीक्षण गरी कोरोना भाइरसको लक्षण देखिएका व्यक्तिलाई विमानस्थलबाटै सिधै आइसोलेसन वार्ड भएका अस्पतालमा लैजाने र स्वस्थ व्यक्तिलाई दुई सातासम्म विशेष निगरानीमा राख्ने तयारी गरेको छ ।हालसम्म कोरोना भाइरसको संक्रमणबाट ज्यान गुमाउनेको संख्या ४ सय २६ पुगेको छ । मंगलबार हङकङमा पनि एक जना बिरामीको मृत्यु भएपछि चीनबाहिर मृत्यु हुनेको संख्या २ पुगेको छ । यस अघि फिलिपिन्समा पनि एक जनाको मृत्यु भएको थियो।

Leave a Reply

Your email address will not be published. Required fields are marked *