चीनमा रहेका नेपाली विद्यार्थीको याचनाः हामीलाई कोरोनाको संक्रमण छैन, उद्दार गरियोस (भिडियोसहित)

काठमाडौं- कोरोना भाइरसको प्रकोप फैलिरहेको चीनमा रहेका नेपाली विद्यार्थीहरुले आफूहरुलाई जतिसक्दो चाँडो घर फर्काउन अपिल गरेका छन् ।चीनकाे बुहानमा रहेको मिन्जु युनिभर्सिटीमा चिकित्सा शिक्षा अध्ययन गरिरहेका विद्यार्थीले उद्दारका लागि सामुहिक आग्रह गरेका हुन् ।उनीहरुले सामूहिक भिडियो सन्देश जारी गर्दै उद्दारका लागि नेपाल सरकारसमक्ष यस्ताे अपिल गरेका हुन् ।

आफूहरु दुई हप्तादेखि क्वारेन्टाइनमा बसिरहेको भन्दै उनीहरुले खानपिउन पनि समस्या भएको बताएका छन् ।‘हाम्रा बाबु-आमा, घरपरिवार पनि निकै चिन्तित भएका छन्’, उनीहरुले भनेका छन् । ‘हामी पनि खानपिनको समस्याले निकै तनावमा छौं जतिसक्दो चाँडो उद्दार गरियोस् ।’

उनीहरुले आफूहरु दुई हप्तादेखि क्वारेन्टाइनमा स्वस्थ रहेका बताएका छन् । उनहरुले आफूहरुलाई कोरोना भाइरसको संक्रमण नभएको भन्दै यथासक्य चाँडो उद्धारको माग गरेका छन् ।उनीहरुले भनेका छन्,’ढुक्क हुनुस् हामी तपाईहरुलाई रोग सार्दैनौं।’

सरकारले १ सय ८० जना विद्यार्थीलाई नेपाल फर्काउने भनेपनि अहिलेसम्म उद्दार गरेको छैन । उनीहरुलाई ल्याउनका लागि नेपाल सरकारले तयारी गरे पनि राख्ने ठाउँकाे निर्क्योल नहुँदा ल्याउन सकेको छैन ।चीनमा रहेका नेपाली विद्यार्थीको गुहार हेर्नुस् भिडियोमा

https://m.facebook.com/khabarhubofficial/videos/631736570943528/

Leave a Reply

Your email address will not be published. Required fields are marked *