विश्वलाई चकित पार्ने घटना : बिरामीले भाइलन बजाउँदा बजाउँदै सकियो ब्रेन ट्यूमरको शल्यक्रिया !

काठमाडौं, ७ फागुन । बेलायतको लन्डनस्थित किंग्स कलेज अस्पतालमा सर्जरीको इतिहासमा नयाँ घटना भएको छ । अपरेशन थिएटरमा ५३ वर्षीया ड्यागमर टर्नर भाइलन बजाउँदै गरिन् र डाक्टरले उनको अपरेशन गरिरहेको संसारलाई नै चकित पार्ने यो घटनाले अहिले संसारभरका मिडियामा स्थान पाइरहेको छ । सर्जरीको बीचमा ड्यागमर टर्नरको होश आउन थाल्यो र उनलाई भाइलन बनाउन दिने आइडिया डाक्टरले निकालेका थिए ।

ड्यागमर टर्नरलाई सन् २०१३ मा ब्रेन ट्यूमर भएको पत्ता लागेको थियो । ६ घण्टा लामो शहल्यक्रियापछि डाक्टरहरुले टर्नरको टाउकोको ट्युमर निकाल्न सफल भएपनि उनको टाउकोमा अझै १० प्रतिशत ट्यूमर बाँकी नै रहेको बताइएको छ । शल्यक्रिया नसकिउन्जेलीसम्म उनले भाइलन बजाइरहेको बताइएको छ ।बेलायतको किंग्स अस्पतालमा ब्रेन ट्यूमरको ठूलो सेन्टर छ । जहाँ प्रत्येक वर्ष ४०० सर्जरी हुन्छन् ।

यो पनि कोरोना भाइरसबाट चीनमा मृत्यु हुने व्यक्तिको सङ्ख्या २ हजार भन्दा बढी

७ फागुन ः कोरोना भाइरसको सङ्क्रमणबाट चीनभरी मृत्यु हुने व्यक्तिको सङ्ख्या दुई हजार भन्दा बढी भएको चिनियाँ स्वास्थ्य अधिकारीले बुधबार जनाएका छन् ।गत वर्षको अन्त्यमा चीनको हुबेई प्रान्तको उहान सहरबाट शुरु भएको यस भाइरसका कारण हाल्का केही दिनयता एकै दिनमा करिब १०० व्यक्तिको मृत्यु हुने गरेको अन्तरराष्ट्रिय सञ्चारमाध्यमले जनााएका थिए । केही दिनमा यतादेखि यो घटना क्रम जारी रहेको थियो ।

तर मङ्गलबार भने एकै दिनमा यस भाइरसको सङ्क्रमणका कारण १३६ जनाको मृत्यु भएको एपी समाचार समितिले बुधबार जनाएको छ ।मङ्गलबार प्राप्त एक समाचारका अनुसार यस भाइरसबाट चीनभरीमा मृत्यु हुने व्यक्तिको सङ्ख्या दुई हजार ४ जना पुग्नुको साथै ७४ हजार १८५ व्यक्ति सङ्क्रमित भएका छन् ।

चिनियाँ रोग नियन्त्रण र रोकथाम केन्द्रले सोमबार दिएको एक जानकारीअनुसार यस रोगको शुरुवाती घटनाको अध्ययन गर्दा यस भाइरसको थप सङ्क्रमणको सङ्ख्या यस महिनाको शुरुबाट ८० प्रतिशतले घटेको छ ।विश्व स्वास्थ्य संगठन डब्ल्यूएचओका महानिर्देशक टेड्रोस अडानोम गेब्रियसले सोमबार भएको एक पत्रकार सम्मेलनमा प्रकोपको स्पष्ट तस्वीर दिएको बताउनुभएको छ ।

जारी अनुसन्धानअनुसार यस रोगको सङ्क्रमणको दर घट्दो मात्रामा देखिन थालेका बताइएको छ । महानिर्देशक गेब्रियसले अहिले नै सङ्क्रमण दर घट्यो भनेर निष्कर्ष निकाल्नु एकदमै चाँडो हुने पनि बताउनु थियो ।वैज्ञानिकले कोभिड–१९ नाम दिएको यो भाइरसको नियन्त्रणमा खटिएका कम्तीमा कम्तीमा दुई हजार स्वास्थ्वास्थ्यकर्मीसङ्क्रमित भएका छन्  यसबाट सङ्क्रमणबाट सात जना स्वास्थ्यकर्मीको

उपचारका क्रममा मृत्यु भएको छ ।यस भाइरसको प्रकोप नियन्त्रणका लागि विश्वका नेताले चीनलाई साथ दिने प्रतिबद्धता जनाउँदै आएका छन् । संयुक्त राष्ट्रसङ्घ, विश्व स्वास्थ्य सङ्गठन, युरोपेली युनियनसहित विश्वका नेताले पनि यो सङ्क्रमणको नियन्त्रणमा चीनलाई सघाउने प्रतिबद्धता व्यक्त गरेका छन् ।भाइरसको शुरुआत भएको प्रमुख स्थानका रूपमा रहेको हुबेई प्रान्तमा यस भाइरसबाट बढी नागरिक प्रभावित छन् । (रासस÷एपी)

Leave a Reply

Your email address will not be published. Required fields are marked *