अमेरिकामा कोरोना भाइरसबाट ६ जनाको मृत्यु

काठमाडौं – अमेरिका–कोरोना भाइरसका कारण ६ जनाको मृत्यु भएको छ ।वासिङ्टन राज्यमा सोमबार थप ४ जनाको मृत्यु भएपछि मृतकको संख्या ६ पुगेको हो ।अमेरिकी स्वास्थ्य अधिकारीहरुका अनुसार वासिंगटनको किंग काउन्टी अस्पतालमा भर्ना भएकामध्ये ६ जनाको मृत्यु भएको हो।अमेरिकाका विभिन्न राज्यमा अहिलेसम्म संक्रमित हुनेको संख्या १ सय २ पुगेको छ ।संक्रमण फैलने दर उच्च भएपछि कोरोनाको महामारी रोक्न आवश्यक सबै उपाय अबलम्बन गर्न राष्ट्रपति डोनाल्ड ट्रम्पले स्वास्थ्य अधिकारीहरुलाई निर्देशन दिएका छन् ।

यो पनि क्वारेन्टाइनबाट बिदाइ भएकाहरु भन्छन्- घर परिवारलाई भट्दैछौं, खुशीको सीमा छैन

काठमाडौं– चीनबाट उद्धार गरिएका नेपाली विद्यार्थीहरु दुई साताको क्वारेन्टाइनको निगरानीपछि आज घर फर्किएका छन् ।क्वारेन्टाइनमा रहेका १ सय ७५ जनाको दोस्रो पटकको कोरोना परीक्षणको रिपोर्ट नेगेटिभ आएसँगै उनीहरुलाई आज बिदाइ गरिएको हो ।

क्वारेन्टाइनमा १६ दिन बिताउनेमध्ये बिराटचोक मोरङका सौरभ लुइटेल लगायत सबै निकै खुशी बने । बिदाइ कार्यक्रममा पुगेका अभिभावकहरुमा पनि खुशीको सीमा थिएन ।सौरभले भने, ‘चीनबाट फर्किएपछि पनि हामी पूर्ण रुपमा सुरक्षित महशुस गरिरहेका थिएनौं । क्वारेन्टाइनको वातावरण राम्रो भए रिपोर्ट के आउने हो भन्ने हामीमा सन्त्रास बाँकी नै थियो । जब दोस्रो पटकको कोरोना परीक्षणको रिपोर्टमा सबैको नेगेटिभ आयो खुशीको सीमा रहेन ।’

उनले भने, ‘निरोगी भएर सकुशल घर फर्कन पाउँदा एकदमै खुसी लागेको छ ।’लुइटेल यसै वर्ष स्नात्तकोत्तर अध्ययन गर्न चीनको वुहानको वाजोङ कृषि विश्वविद्यालयमा गएका थिए ।जनकपुरका अशोककुमार साह पनि निकै खुशी देखिए ।उनले भने, ‘जब दिउँसोतिर कन्ट्रोल रूमबाट घर जान तयार हुनुस् भन्ने खबर आयो। हामी सबै साथीहरू खुशीले फुरुङ्ग भयौं ।’‘मनामा रहेको सन्त्रासबाट अब मुक्त भयौ’ साहले खबरहबसँग भने,‘अब घरका सबै सदस्यहरुलाई भेट्न पाइने भएको छ, खुशीको सीमा छैन ।’

वुहानमा उनी पिएचडी गर्दै थिए । आजबाट क्वारेन्टाइनको बसाइ सकिए पनि यो क्षण आफूलाई सधैंभर यादगार रहने उनले बताए क्वारेन्टाइनमा रहेका १ सय ७५ जनामध्ये केहीलाई भने मंगलबार बिहान घर पठाइने भएको छ । काठमाडौं आसपास घर भएका र जान खोज्नेलाई आजै बिदाइ गरिएको छ भने केही भोलि मात्रै घर जानेछन् ।

सोमबार क्वारेन्टाइनमा रहेकाहरूलाई औपचारिक कार्यक्रम गरेर बिदाइ गरिएको हो । बिदाइ कार्यक्रममा अभिभावक पनि उपस्थित भएका थिए । उनीहरुले आफ्ना सन्तालाई भेट्न पाउँदा निकै खुशी बने ।

गत फागुन ४ गते चीनको कोरोना संक्रमित क्षेत्रबाट १ सय ७५ जना नेपालीलाई उद्दार गरेर नेपाल ल्याइएको थियो। उनीहरूको शनिबार अन्तिम कोरोना परीक्षण गरिएको थियो ।वुहानमा नेपालीलाई उद्दार गर्न जाने विमानका पाइलटसहित १८ सदस्यलाई भने आइतबार नै नगरकोट क्वारेन्टाइनबाट घर पठाइएको थियो ।

Leave a Reply

Your email address will not be published. Required fields are marked *