इतिहासमै पहिलो पटक कतार प्रहरीमा १७९ जना नेपाली भर्ती

काठमाडौं । रोजगारका लागि आर्कषक गन्तव्य मानिएको कतारमा अब नेपालीहरु नै प्रहरी बन्न पाउँनेछन् । इतिहासमै पहिलो पटक कतारले एक सय ७९ जना नेपालीलाई प्रहरी सेवामा भर्ती गरेको छ । सामान्य कामदार मात्रै लैजाने गरेको कतारले पहिलो पटक नेपालीलाई प्रहरी सेवामा अवसर दिइएको हो । उनीहरुको चार महिने प्रहरी तालिम सकिएको छ ।

उनीहरु अब तत्काल कार्यस्थलमा खटिने जानकारी दिइएको छ । यसअघि कतारले पाकिस्तान नागरिकलाई मात्रै प्रहरी सेवामा लैजाने गरेको थियो । नेपालीको संख्या बढ्दै गएकोले प्रहरी सेवामा पनि नेपालीलाई नै अवसर दिइएको बुझिएको छ । कतारमा झन्डै चार लाख नेपाली कामदार छन् । प्रहरी सेवामा नेपालीको उपस्थितिले नेपाली कामदारलाई सुरक्षा सेवा दिन थप प्रभावकारी हुने कतारले विश्वास लिएको छ ।

प्रहरी तालिमको समापनमा बोल्दै नेपाली दूतावासका उपप्रमुख लक्ष्मण खनालले इमानदारीको साथ कायस्थलमा आफ्नो दायित्व निर्वाह गर्न नेपालीलाई आग्रह गर्नुभएको छ । उहाँले नेपालीलाई प्रहरी सेवा अवसर दिने कामले नेपाल र कतारबीचको सम्बन्ध थप उचाइमा पुग्ने विश्वास गर्नुभएको छ ।

Leave a Reply

Your email address will not be published. Required fields are marked *