घर भाडामा तत्काल ५० प्रतिशत छुट गराउन माग

काठमाडौं । अहिले माक्स लगायत अन्य विभिन्न कुराहरुको अभाव सिर्जना गर्न थालिएको छ । कोरोना भाइरस (कोभिड(१९)को त्रास देखाएर मूल्यवृद्धि उच्च भएको र कालोबजारीका कारण डेरामा बस्ने मर्कामा परेको उल्लेख गर्दै घरबहाल सरोकार महासंघ नेपालले घर भाडामा तत्काल ५० प्रतिशत छुट गराउन माग गरेको छ । शनिबार पत्रकार सम्मेलन गरेर महासंघले घर भाडामा छुटको माग गरेको हो । घरबहाल सरोकार महासंघ नेपालका अध्यक्ष बलभद्र खनालले घरबहालमा देखापरेका समस्याप्रति सरकारले सम्बोधन नगरे आ न्दोलन गर्ने चेता वनी दिए ।

यो पनि, मुलुकमा कोरोना भाइरस (कोभिड–१९) को जोखिम रहेका बेला मास्कमा कालोबजारी गरेको आरोपमा आज आठ जना पक्रा उ परेका छन् । प्रहरीले काठमाडौँको डल्लुबाट उनीहरुलाई पक्राउ गरी लुकाएर राखिएको ७८ हजार मास्कसमेत बरामद गरेको छ । उनीहरुले रु पाँच पर्ने मास्कलाई रु ३१ सम्म लिएको पाइएको महानगरीय प्रहरी परिसर काठमाडौँका प्रहरी नायब उपरीक्षक होविन्द्र बोगटीले जानकारी दिनुभयो ।

पक्रा उ पर्नेमा जिल्ला काभ्रेपलाञ्चोकका मिन्टु तामाङ, ललितपुर सातदोवाटो बस्ने मानकाजी लामा, रामेछाप घर भई नागर्जुन बस्ने अनिष कार्की, बाजुरा घर भई एकान्तकुना बस्ने थुमराज उपाध्याय, कोटेश्वर बस्ने निर्प कार्की, नागार्जुन नगरपालिका–२ का उज्ज्वल अधिकारी, रामेछाप घर भई ललितपुर बस्ने शिव खड्का र काभ्रे घर भई स्वयम्भु बस्ने निशान तामाङ रहेका छन् ।

महानगरीय प्रहरी वृत्त बानेश्वर र महानगरीय प्रहरी वृत्त स्वयम्भूबाट खटिएको प्रहरी टोलीले काठमाडौँ डल्लु आवसमा मिन्टु तामाङले सञ्चालन गरेको माहाकाल मन्जु श्री ट्रेर्डसबाट उक्त परिमाणको मास्क बरामद गरी उनीहरुलाई निय न्त्रणमा लिएको हो ।

विशेष सूचनाको आधारमा प्रहरी त्यहाँ पुगेको थियो । उनीहरुलाई कालोबजारी ऐनअन्र्तगत कारवाही गर्ने प्रहरीले जनाएको छ । प्रहरीले खाद्यान्न र औषधीजन्यलगायतका चिज वस्तुहरुको कृतिम अभाव सृजना गर्ने, भण्डार गरी लुकाउने र कालोबजारी गर्ने गरेको सूचना भए अबर गर्न आग्रह गरेको छ ।

Leave a Reply

Your email address will not be published. Required fields are marked *