प्रभासले लिए जंगल संरक्षणको जिम्मा, दान गरे दुई करोड

भारतीय अभिनेता प्रवासले हैदराबाद नजिक रहेको एक जंगल संरक्षणको जिम्मा लिएका छन्।उनले हैदराबाद शहरको बाहिरी भेगमा रहेको काजीपेल्ली जंगलको १६ सय ५० एकड क्षेत्रफल जंगलको संरक्षण गर्ने जिम्मा लिएका हुन्।यसका साथै उनले सो जंगलको संरक्षणका लागि वन अधिकारीलाई २ करोड भारतीय रूपैयाँको आर्थिक सहयोग पनि हस्तान्तरण गरेका छन्।

जंगलको जिम्मा लिदैं तेलाङ्गनाका वनमन्त्री अल्लाला इन्द्र करण रेड्डी, राज्यस सभा सदस्य जोउनपल्ली सन्तोष कुमारसँग उनले त्यहाँ स्थापनाको जगसमेत हालेका छन्। उनीहरूले यसक्रममा केही रूखहरूसमेत रोपेका छन्।

वन विभागले जंगलका सानो भाग शहरी क्षेत्रका लागि पार्क निर्माण गर्नेछ। काजीपेल्ली जंगल औषधिजन्य बनस्पतिका लागि परिचित रहेको छ।प्रवासले आफूले मित्र सन्तोष कुमारबाट प्रभावित भएर जंगल संरक्षणको जिम्मा लिएको बताउँदै बाँकी आर्थिक सहयोग कामको प्रगति हेरेर चरणवद्ध रूपमा उपलब्ध गराउने बताएका छन्।

Leave a Reply

Your email address will not be published. Required fields are marked *